Edicioni i nëntëmbëdhjetë i Festivalit Ndërkombëtar Të Vokalit Operistik “Marie Kraja” do të zhvillohet në Tiranë në datat 29, 30, 31 mars. Gjashtëmbëdhjetë konkurrentë, nga katër kontinente do të garojnë për të marrë çmimin që mban emrin e themelueses së operas shqiptare “Marie Kraja”. Festivali do të shoqërohet nga orkestra e Teatrit Kombëtar të Operës dhe Baletit dhe një transmetim të drejtpërdrejtë në Telezionin Kombëtar Top Channel.