Shteti amerikan i Oregonit vazhdon të digjet në përmasa gjigande prej ditësh. Vatra më e fundit në vend, zjarri që njihet si Bootleg, është zgjeruar tani në një sipërfaqe prej 1601 kilometrash katror. Zjarret po shkrumbojnë edhe kaliforninë, montanën dhe nevadën. Flakët jo vetëm shkatërrojnë, por clirojnë në qiell edhe tym dhe hi. E për shkak të erës së fortë, këto të fundit zhvendosen nga brigjet perëndimore të shteteve të bashkuara drejt atyre lindore dhe tani po e kthejnë ditën në natë në Nju Jork. Qyteti ndodhet 4023 kilometra larg ferrit të flakëve, një distancë kjo thuajse 4.6 herë më e madhe se gjatësia e gjermanisë, nga veriu në jug. Të mërkurën, kjo situatë bëri që të lëshoheshin paralajmërime për cilësinë e ajrit në shumë pjesë të bregut lindor të SHBA. Ndërkohë që vënia nën kontroll e flakëve duket e largët. Oregoni shpreson ndërkohë që era të zbutet dhe temperaturat të ulen. 2200 persona janë angazhuar në luftën me flakët atje, në atë që është edhe zjarri i tretë më i madh në historinë moderne të shtetit. 2 mijë shtëpi janë evakuuar deri më tani ndërkohë që 5 mijë të tjera kërcënohen nga flakët. 70 ndërtesa të banuara janë shkrumbuar por i vetmi lajm i mirë është se nuk ka deri më tani asnjë viktimë.