Një vatër zjarri është shfaqur pasditen e së shtunës në malin e Shëngjinit, në pjesën mbi port aty ku ndodhen edhe banesa, teksa ende nuk dihen shkaqet e tij. Për shuarjen e flakëve janë angazhuar shërbimi zjarrfikës dhe punonjës të shërbimit pyjor. Ndërkohë era e fortë ka favorizuar përhapjen e falkëve të cilat kanë përplaruar drejt banesave dhe rezidencave ku pushojnë turistët. Për ktë arsye është kërkuar ndërhyrje e koordinuar ndërmjet të gjitha institucioneve për të vënë nën kontroll flakët. Ndezi zjarr për të pastruar ambientin rreth banesës por si pasojë e erës së fortë zjarri i doli nga kontrolli duke përfshirë një sipërfaqe të madhe të pyllëzuar, Policia identifikoi, kapi dhe arrestoi autorin e dyshuar. Sakaq një person ka rënë në prangat e policisë së Lezhës, pasi dyshohet se është autori i një zjarrvënie. Mësohet se ky person kishte shkuar në fshatin Spiten dhe për të pastruar ambientin para banesës, ku kishte ndezur zjarr por si pasojë e erës së fortë zjarri u përhap në një sipërfaqe të madhe të pyllëzuar. Situata e zjarreve në vend vijon të jetë problematike, megjithë angazhimin e forcave të armatosura së bashku me forcat operacinale të zjarrfikësve. Zonat më të vështira për të neutralizuar flakët janë vatrat në fshatin Zogaj të bashkisë Tropojë, vendgrumbullimi i mbetjeve në Vlorë si dhe disa fshatra të Dropullit. 100 Forca të Armatosura së bashku me 3 helikopter të KFOR bashkë me një ekip nga Kosova, u janë bashkuar forcave dhe kapaciteteve operacionale të pushtetit vendor.