Gjysma e Uashingtonit është përfshirë ethshëm në analizimin e cdo fjale apo lëvizjeje të Vladimir Putinit, këto ditë. Por, kur drejtori i CIA-s, Uilliam Burns flet për liderin rus, një autokrat që po bën një luftë brutale në Ukrainë, fjalët e tij kanë një peshë të pazakontë. Shefi i Kremlinit ëhstë një apostull i hakmarrjes – ka deklaruar Burns. Në vend që të heqë dorë nga pushtimi i Ukrainës, Putin me gjasë do të dyfishojë përpjekjet – parashikoi ai pak kohë më parë. “Unë mendoj se ai është në një gjendje mendore në të cilën ai nuk beson se mund ta përballojë humbjen”, shton ai. Dhe jo më kot, Burns udhëheq agjencinë kryesore të spiunazhit në Amerikë. Por 66 vjecari, ka qenë edhe diplomat karriere që ka në CV dy ture në rusi, përfshirë edhe shërbimin si ambasador amerikan atje nga viti 2005 deri në 2008-ën. Burns, e ka parë putinin prej vitesh, dhe janë shumë të paktë ata në qeverinë amerikane që kanë eksperienca më personale me liderin rus, se ai.