Një krim pasioni ka tronditur opinionin në Greqi. Një 20-vjeçar u vra nga një shok i tij një vit më i madh, dhe sic mësohet, shkak për vrasjen u bë një femër që ka hyrë mes tyre. Siç shkruajnë mediat greke, viktima kishte krijuar një lidhje dashurie me ish-të dashurën e autorit të krimit. Mediat greke shkruajnë se autori u arrestua në një shtëpi të braktisur në vendin e tij të origjinës, Livadochori. Sipas “Protothema”, në një vëzhgim në profilin e tij në rrjetet sociale, autori ka postuar një foto, të cilën me gjasë e ka shkrepur menjëherë pasi ka kryer krimin. Ai duket me një thikë në dorë, që dyshohet të jetë e njëjta që ka përdorur për të vrarë shokun. Përveç fotografisë rrëqethëse, ai ka publikuar edhe një video në të cilën duket duke tundur thikën dhe në një moment e fokuson atë me kameran e telefonit, duke treguar tehun e lyer me gjak.