Izraeli dhe Irani kanë hyrë në një fazë të re përshkallëzimi ushtarak, me sulme të ndërsjella gjatë natës që kanë shkaktuar të paktën pesë viktima dhe mbi 100 të plagosur në territorin izraelit. Sipas burimeve ndërkombëtare, katër persona humbën jetën si pasojë e sulmeve me raketa iraniane që goditën zona civile. Në kundërpërgjigje, ushtria izraelite njoftoi se ka goditur objektiva të rëndësishëm në Teheran, përfshirë qendrat e komandës të Forcës që janë një pjesë e rëndësishme e operacioneve jashtë vendit të Gardës Revolucionare. Sulmet izraelite përfshinë gjithashtu zona të ndjeshme si Lavizan, Narmak dhe bazën ushtarake Bidgoneh pranë qytetit Malard, ndërsa shpërthime u raportuan edhe afër centralit bërthamor të Fordo-së. Irani konfirmoi se ka shënjestruar qendra ushtarake izraelite dhe ka paralajmëruar për sulme të tjera edhe më të fuqishme. Dy ndërtesa banimi në zonën Dan të Izraelit qendror u goditën drejtpërdrejt nga raketat iraniane.