Politika e zgjerimit të Bashkimit Europian me sa duket nuk po funksionon, e kjo për shkak të drejtës së vetos të vendeve anëtare, të cilat për interesat e tyre personale e përdorin kundrejt shteteve kandidate. Kjo ndodhi edhe në rastin e Shqipërisë dhe Maqedonisë së Veriut. Një herë hapja e negociatave u bllokua nga Franca e Holanda, si një votë kundër Shqipërisë, e më pas Bullgaria vuri veton ndaj Maqedonisë së Veriut. Por politika e vetos po shihet me skepticizëm, teksa i fundit që foli me tone të ashpra për heqjen e saj, ishte kryeministri Edi Rama. Por edhe liderët e vendeve të BE, kanë folur për heqjen e vetos, pasi kjo po përdoret si strategji bllokimi apo shantazhi, nga vendet anëtare. Francesca Basso dhe Miklena Gabanelli, kanë publikuar një analizë të tyre në Corriere.it, teksa citojnë kryeministrin Italian Mario Draghi. “Ne duhet të kapërcejmë ‘parimin e unanimitet’, i cili krijon një logjikë bërë nga veto të kryqëzuara, dhe të shkojmë drejt vendimeve të marra me shumicë të cilësuar. Një Evropë e aftë për të marrë vendime në kohën e duhur është më e besueshme para qytetarëve të saj dhe përballë botës”., është shprehur Draghi më 3 majin e kaluar gjatë seancës plenare të Parlamentit Evropian.