Për dekada, Gjystina Grishaj, ka prerë dru, ka ngarë traktorë dhe ka mbajtur bagëtitë si të ishte burri i shtëpisë në një fshat të largët në shqipërinë e veriut, për ta gjetur veten tani krejt vetëm, pas vitesh sakrifica në mbështetje të familjes. Grishaj është një nga të fundit virgjëresha të betuara të Shqipërisë, një traditë e hershme që e bëri atë të heqë dorë nga martesa, prindërimi etj, në këmbim të të drejtës për të jetuar dhe punuar si një burrë në një shoqëri thellësisht patriarkale. Zgjedhja e bërë më shumë se 30 vite më parë, ishte e lehtë. Me babain të sëmurë dhe me vëllanë që u nda parakohe nga jeta, ajo zgjodhi të bëhej një burrneshë, e kjo e lejoi atë të ndihmonte familjen. Por tani, në moshën 58 vjecare, Grishaj është e vetme, pasi të afërmit e saj, ashtu si qindra e mijëra shqiptarë të tjerë, emigruan në kërkim të një jete më të mirë, duke e lënë atë pas në shtëpinë e vjetër të familjes.