Stërvitja në natyrë apo palestër është konsideruar gjithnjë si një mënyrë për të mbajtur trupin në formën më të mirë të mundshme. Por, ushtrimet e rregullta dhe të lodhshme, mund të rrisin rrezikun e sëmundjes së neuroneve motorike te njerëzit që janë gjenetikisht të cenueshëm. Shkencëtarët në Universitetin Sheffield në Mbretërinë e Bashkuar thonë se askush nuk duhet t’i ndalojë ushtrimet si rezultat i studimit të tyre, por shfaqin shpresën se këto gjetje mund të çojnë në mënyra të ekzaminimit të njerëzve, që mund të jenë në rrezik më të lartë. Sipas studimit, rreth një në 300 njerëz në përgjithësi zhvillon sëmundje të neuroneve motorike. Kjo sëmundje ndikon në aftësinë e njerëzve për të lëvizur, për të folur e madje edhe për të marrë frymë, pasi neuronet motorike që sjellin mesazhe nga truri në muskuj, nuk funksionojnë. Sëmundja mund të shkurtojë në mënyrë dramatike jetën e njerëzve. Sipas ekspertëve, kjo shpjegon edhe numrin e lartë të atletëve që preken nga sëmundja. Ushtrime të rregullta dhe të lodhshme, janë karakterizuar në studim ato për më shumë se 15-30 minuta në më shumë se 2-3 ditë të javës.