Një 76 vjecar që besohej se ishte kreu i familjes më të madhe në botë, është ndarë nga jeta në shtetin Mizoram në Indi. Ziona Chana, shefi i një sekti fetar që praktikonte poligaminë, u nda nga jeta të dielën duke lënë pas 38 gra, 89 fëmijë dhe 36 nipër e mbesa. Me sa ëhstë raportuar ai vuante nga diabeti dhe hipertensioni. Mjekët thanë se gjendja e tij shëndetësore ishte përkeqësuar ndërsa ishte në shtëpi, në fshatin e tij. Ai u dërgua në spital të dielën në mbrëmje por u deklarua i vdekur në mbërritje. Është e vështirë të thuhet nëse Chana ishte me të vërtetë babai i familjes më të madhe në botë pasi ka edhe të tjerë që e pretendojnë këtë titull. Madje është e vështirë të vlerësohen edhe përmasat e sakta të familje së Chana-s. Të paktën një raport pretendon se ai ka 39 gra, 94 fëmijë dhe 33 nipër e mbesa dhe të paktën një stërnip, që e con familjen në 181 pjesëtarë.