Në përjashtim të Serbisë dhe Shqipërisë, që kanë filluar vaksinimin masiv të popullatës, shtetet e tjera pothuajse kanë arritur të vaksinojnë vetëm punonjësit shëndetësorë dhe vetëm tani po përgatiten për vaksinim të popullatës. Shumë prej vendeve të rajonit janë duke u përballur aktualisht me vështirësi në furnizimin me vaksina. Serbia ka qenë përpara me këtë process, dhe sot renditet si një ndër vendet më të suksesshme në Europë lidhur me imunizimin e popullatës. Deri tani, ajo është furnizuar me mbi 2,3 milionë doza të vaksinave të prodhuesve të ndryshëm, ndërsa deri të enjten kishte vaksinuar 1.435.000 persona me dozën e pare. Sekretari shtetëror i ministrisë serbe të Shëndetësisë, Mirsad Xherlek, njoftoi se Serbia gjatë muajit prill do të marrë miliona vaksina nga kompanitë Pfizer, Sputnik V, Sinopharm, si dhe nga programi COVAX i Organizatës Botërore të Shëndetësisë (OBSH). Aktualisht në Shqipëri kanë mbërritur 282 mijë vaksina, duke përfshirë vaksinën kineze Sinovac, vaksinën Astra Zeneca nga mekanizmi COVAX, vaksinën nga kontrata me kompaninë Pfizer dhe vaksinën Sputnik V, donacion i Emirateve të Bashkuara Arabe. Që nga janari, në vendin tonë janë administruar në total 138.846 doza të vaksinave anti covid. Mali i Zi deri më tani është furnizuar me gjithsej 68 mijë vaksina dhe ka administruar 17.700. 78 mijë vaksina ka marrë Maqedonia e Veriut, që ka vaksinuar 7.735 persona, thote agjensia e lajmeve Anadolu. Bosnja siguroi nëpërmjet programit COVAX kanë arritur 23.400 doza të vaksinës BioNTech-Pfizer, dhe 26.400 doza të vaksinës AstraZeneca. Kosova vetëm në 28 mars mori 24 mijë doza të AstraZenecas dhe deri tani, sipas të dhënave të Institutit Kombëtar të Shëndetësisë Publike atje, ka vaksinuar gati 680 vetë.