Aeroplanmbajtësja amerikane USS Nimitz është nisur drejt Lindjes së Mesme ndërsa konflikti mes Izraelit dhe Iranit po shndërrohet në një luftë të plotë. Donald Trump më herët paralajmëroi se Irani do të njohë 'fuqinë e plotë' të ushtrisë amerikane nëse sulmon SHBA-në gjatë konfliktit me Izraelin, pavarësisht raporteve se ai kishte vënë veton ndaj planeve të Izraelit për të vrarë Udhëheqësin Suprem të Iranit. Presidenti amerikan paralajmëroi Teheranin duke thënë: “Nëse sulmohemi në çfarëdo mënyre apo forme nga Irani, forca dhe fuqia e plotë e Forcave të Armatosura të SHBA-së do të bjerë mbi ju në nivele të papara deri më tani”. Aeroplanmbajtësja USS Nimitz nodhej në detin e kinës jugore të hënën, nga ku u nis me urgjencë drejt perëndimit. Ajo ishte planifikuar të ndalej në portin qendror të Vjetnamit, por ndalesa u anulua. Dy burime, përfshirë një diplomat, thanë për agjencinë e lajmeve reuteres se pritja zyrtare e planifikuar për më 20 qershor ishte anuluar. Një nga burimet tha se Ambasada e SHBA-së në Hanoi e kishte informuar atë për anulimin, për shkak të "një kërkese emergjente operative".Ambasada nuk iu përgjigj menjëherë një kërkese të Reuters për koment.