Vaksinimi i popullsisë po vijon të ulë ndjeshëm numrin e infektimeve me Covid-19 në vendin tonë. Kjo duket edhe në të dhënat e publikuara në raportimin ditor të Ministrisë së Shëndetësisë këtë të mërkurë. Sipas këtyre të dhënave, në harkun kohor të 24 orëve janë kryer 3051 testime nga të cilat 24 persona kanë rezultuar pozitivë me Covid-19. Me këto raste pozitive numri i të prekurve që nga fillimi i pandemisë ka shkuar në 132,095. Por pavarësisht nga numri i ulët i rasteve të reja, janë konfirmuar edhe 2 humbje jete të moshave 65-69 vjeç. Me këto humbje jete numri i pëgjithshëm i viktimave ka shkuar në 2,438 që nga fillimi i pandemisë. Ka rënë në mënyrë të ndjeshme edhe numri të shtuarve në spitalet Covid ku po trajtohen 73 pacientë, nga të cilët 8 janë në terapi intensive dhe prej tyre nuk ka asnjë pacient të intubuar. Ndërkohë i lartë mbetet numri i të shëruarve, ku konfirmohet se betejën me virusin e kanë fituar 835 persona, duke e çuar në 127,240 që nga nisja i epidemisë. Ulja e rasteve të reja me koronavirus ka ndikuar në uljen në mënyrë të ndjeshme dhe në numrin e rasteve aktive në vend ku aktualisht janë 2,417 persona të prekur.