OSBE iu bën thirrje sërish të gjithë aktorëve që të frenojnë dhunën dhe të angazhohen në dialog konstruktiv. Përfaqësuesi i Posaçëm i Asamblesë Parlamentare të OSBE-së për Evropën Juglindore, Claude Haagen nënvizoi se parimet demokratike, respektimi i lirive themelore dhe dialogu duhet të mbizotërojnë mbi përplasjet. “I bëj thirrje qeverisë, opozitës, organizatave të shoqërisë civile, studentëve dhe qytetarëve që të angazhohen në dialog konstruktiv dhe të punojnë drejt gjetjes së zgjidhjeve që u shërbejnë interesave të të gjithë qytetarëve shqiptarë. Parimet demokratike, respektimi i lirive themelore dhe dialogu duhet të mbizotërojnë mbi përplasjet”, shkroi ai ndërsa dënoi sulmet ndaj gazetarëve gjatë raportimit në terren të protestës. Ai theksoi se liria e medias duhet të respektohet dhe të mbrohet.