Presidenti ukrainas, Volodimir Zelenski, i ka shkruar një letër prekëse familjes së një gazetari amerikan të vrarë nga rusët, duke vlerësuar punën e tij për hedhjen dritë mbi mizoritë e konfliktit. Brett Renaud, 51 vjec, nga Arkansasi, po punonte i pavarur, si producent kur u qëllua për vdekje në qytetin e rrethuar të Irpinit, në perëndim të kryeqytetit Kiev. Në letrën e tij drejtuar familjes Renaud, zelenski lëvdoi dedikimin e gazetarit për të hedhur dritë mbi forcat e errësirës, sic i quajti ai pushtuesit, dhe tha se populli ukrainas po mbante zi bashkë me familjen e tij. “Një gazetar i talentuar dhe trim, Brent e humbi jetën duke dokumentuar tragjedinë njerëzore, shkatërrimin dhe vuajtjet e miliona ukrainasve”, shkroi Zelenski. “Populli i ukrainës, që po lufton kundër regjimit rus për të mbrojtur atdheun e tyre dhe demokracinë në botë, po mban sot zi, bashkë me ju”. Kolegu i Renaud, Juan Arredondo, u plagos në sulm po ashtu. Një fotograf i gjermanes Bild, që i kishte shoqëruar ata në Irpin, tha se ushtria ukrainase i kishte paralajmëruar të mos shkonin më tej, por Renaud dhe Arredondo thanë se donin të filmonin atë që bota duhej ta shihte. Ndërkohë, vetëm një ditë më pas, një gazetar britanik i Fox Neës, 39 vjec e baba i tre fëmijëve, u plagos në një shpërthim ndërsa mbulonte pushtimin e ukrainës.