Ambasadori i Ukrainës po i kërkon Izraelit ti shesë vendit të tij sistemin e interceptimit të raketave Iron Domë dhe ti ofrojë vendit edhe raketa anti tank për të mbrojtur civilët kundër pushtimit rus. Yevgen Korniychuk për pak sa nuk e akuzoi izraelin se po bllokonte shitjen e sistemit të mbrojtjes raketore. Por ai tha se donte që qeveria izraelite të konkretizonte mbrojtjen verbale të ukrainës me ndihmë ushtarake. Në një konferencë për shtyp në Tel Aviv ai tha se ukraina donte të blinte sistemin Iron Dome, duke nënvizuar se SHBA nuk do ta kundërshtonte një shitje të tillë. SHBA ka ndihmuar në financimin e izraelites Iron Dome për një dekadë duke i dhënë rreth 1.6 miliardë dollarë vendit për prodhimin dhe mirëmbajtjen e sistemit. Ky i fundit është i projektuar të interceptojë dhe të shkatërrojë raketat me rreze të shkurtër veprimi që hidhen në izrael. Izraeli druan se ndihma ushtarake për ukrainën do të zemëronte rusinë e cila ka një prani ushtarake në sirinë fqinje. Izraeli vetë kryen goditje të shpeshta të shënjestrave armike në Siri dhe varet tek Rusia për koordinimin e Sigurisë. Ambasadori ukrainas tha edhe se izraeli javën e shkuar ka refuzuar një kërkesë të shteteve të bashkuara që Gjermania të dërgonte raketat me licencë izraelite Spike, anti tank, në Ukrainë. Izraeli ka kufizuar mbështetjen për ukrainën vetëm tek ndihmat humanitare.