Vladimir Putin nuk është më i interesuar në përpjekjet diplomatike për ti dhënë fund luftës në ukrainë dhe do të marrë sa më shumë territore që është e mundur. Tre persona, të afërt me bisedimet me presidentin rus thanë për Financial Times se Putin po mendohej seriozisht për një marrëveshje paqeje me Ukrainën, muajin e shkuar. Por tani, një nga personat në dijeni të bisedimeve tha për gazetën se Putin i besonte sinqerisht absurditeteve që ai dërgjon në televizionet ruse dhe do të arrijë një fitore të madhe. Qëndrimi i tij ndaj bisedimeve u bë më i ashpër pas mbytjes së luftanijes ruse Moskva. Një tjetër burim ndërkohë thotë: Putin ka qenë kundër firmosjes së cdo lloj marrëveshjeje pas incidentit me Moskva-n, i cili e bëri të ndjehej si humbës dhe e turpëroi atë. Gjithcka vjen ndërkohë që presidenti zelenski ka kërkuar sërish një takim me Putinin në një përpjekje për ti dhënë fund luftës. “Unë mendoj se ai që e nisi këtë luftë do të mund edhe ta ndalë atë”, tha Zelenski në një konferencë për shtyp në një stacion metroje në qendër të Kievit. Ai tha se nuk ka aspak frikë të takohet me Putinin nëse kjo do të conte në një marrëveshje paqeje mes Rusisë dhe Ukrainës. “Që nga fillimi unë kam insistuar për bisedime me presidentin rus”, tha Zelenski. Nuk është se unë dua ta takoj atë, por unë duhet ta takoj atë për ta zgjidhur konfliktin me mjete diplomatike. Ne kemi besim te partnerët tanë por nuk kemi besim te Rusia”, tha ai.