Shkaku I vdekjes së turistes franceze që u gjet e pajetë në Greqi pas një jave kërkimesh vijon te mbetet mister. Fillimisht u mendua se 29-vjeçarja ishte rrëzuar nga një farë lartësie, por pas ekzaminimit në trup nuk rezultoi që të kishte shenja dëmtimi. Ajo u gjet pas shenja jete pesë kilometra nga vendi ku kishte parkuar makinën në plazhin Krios. Autoritetet vendase janë duke e konsideruar mundësinë që turistja, pasi ishte larë në det, mori vendimin e gabuar për të ecur. Mesa duket nuk kishte pasur forcë të mjaftueshme për të ecur, dhe ky fakt i kombinuar me temperaturat e larta e kanë bërë që të konfuzohet dhe të humbasë rrugën për tek makina. 29-vjeçarja franceze mbërrite në ishullin grek më 21 qershor, e vetme. Ajo postonte thuajse çdo ditë foto në rrjetet e saj sociale dhe komunikonte vazhdimisht me të afërmit. Turistja franceze duhej që të kthehej për në Francë më 28 qershor, por u zhduk në mënyrë te mistershme. Fotoja e fundit që ajo postoi ishte nga Elafonisi, ku shkruante se kishte mbërritur pas tre orësh udhëtim. Dhe më pas thjeshtë u zhduk. Fillimisht familja e saj së pari informoi autoritetet franceze pasi nuk mund të kontaktonin me të dhe më pas alarmi u dha edhe në Greqi.