Detaje të reja kanë dal në pah nga operacioni që çoi në arrestimin e ish-deputetit grek të Agimit të Artë, Christos Pappas. Ai u arrestua më 1 korrik teksa ishte fshehur në shtëpinë e një gruaje 52-vjeçare nga Ukraina. Por si shkoi policia greke arriti të prangoste ish deputetin? Sipas mediave greke një zyrtar të lartë grek që ishte pjesë e hetimeve ka zbuluar kronologjinë e hetimeve. Sipas zyrtarit grek fillimisht qëllimi ishte të identifikonin njerëzit që ishin pranë Christos Pappas për të kuptuar se cili nga ata e kishte fshehur dhe në këtë foremë ranë në gjurmët e tij. Më tej thuhet se njerëzit e afërm qëllimisht kanë shperndarë lajme të rreme mbi strehimin e ish-deputetit në mënyrë që të coriontonte hetimet e autoriteteve. Gjatë javës së shkuar, policia ka qenë duke e monitoruar strehën me grilat e mbyllura hermetikisht ku fshihej Pappas. Megjithatë, ish-deputeti grek i Agimit të Artë nuk doli jashtë në asnjë moment. Sipas fqinjëve atë nuk e kanë parë të dalë asnjëherë nga shtëpia apo të lëvizë në zonë. Fashisti 59 vjeçar ishte në kërkim nga policia greke nga 1 tetor 2020, kur me vendim të drejtësisë greke. “Agimi i Artë” u shpall organizatë kriminale dhe gjithë anëtarët e kryesisë u dënuan me burg, përfshi liderin Nikos Mihaloliakos dhe deputetin e Parlamentit Europian, Janis Lagos.