Matt Hancock ka dhënë dorëheqjen si sekretar i shëndetësisë pasi deputetët, ministrat dhe konservatorët sfiduan Boris Johnson dhe kërkuan që ai të shkarkohej nga qeveria, thuhet në një artikull të publikuar nga ‘the guardian’. Hancock kishte menduar të jepte dorëheqjen që nga e Premtja pasi kërkoi falje për puthjen me sekretaren e tij Gina Coladangelo, në zyrën e tij ministrore, në shkelje të rregullave të tij Covid-19. Në letrën e tij të dorëheqjes Hancock tha: “Ne kemi punuar aq shumë si shtet për të luftuar pandeminë. Gjëja e fundit që do të dëshiroja është që jeta ime private të heqë vëmendjen nga fokusi tek shëndetësia dhe sfidave që po na sjell kjo krizë. Unë dua të ritheksoj faljen time për mozbatimin e masave kufizuese dhe t'i kërkoj falje familjes sime dhe të dashurve të mi. Unë gjithashtu duhet të jem pranë fëmijëve të mi në këtë kohë. "