Tregjet e naftës do të hyjnë në "zonën e kuqe" në korrik apo gusht, ndërsa rezervat pakësohen para sezonit të udhëtimeve verore për shkak të mungesës së eksporteve të naftës nga Lindja e Mesme, paralajmëroi drejtori ekzekutiv i Agjencisë Ndërkombëtare të Energjisë. Fatih Birol shtoi se zgjidhja më e rëndësishme për tronditjen e energjisë të shkaktuar nga lufta në Iran, ishte një rihapje e plotë dhe pa kushte e ngushticës së Hormuzit. Duke folur për organizatën londineze Chatham House, Birol tha se ishte e hapur mundësia për anëtarët e agjencisë që të lironin më shumë rezerva strategjike të naftës, siç kishin bërë më parë në mars, dhe shtoi se Agjencia ishte gati të koordinohej. Deri në 80% të rezervave kolektive të agjencisë ndërkombëtare të energjisë nuk janë liruar ende.