Disa persona konsiderohen të zhdukur dhe dhjetëra të tjerë janë lënduar pasi një tornado u përplas mbi Ëuhan, në provincën kineze Hubei. Të paktën 40 persona janë lënduar dhe gjashtë të tjerë mungojnë në apel pasi tornadoja goditi ëuhanin, qytetin ku nisi pandemia e koronavirusit. Asnjë nga të lënduarit, sipas agjencisë së lajmeve Xinhua, nuk ëhstë në gjendje kritike për jetën. Pamjet shokuese tregonin mbetjet e përhapura nëpër qytet dhe banorët lokalë të përfshirë nga paniku që përpiqeshin të mbronin sendet e tyre. Qeveria lokale në Ëuhan tha se tornadoja kishte shkulur me rrënjë pemë dhe kishte rrëzuar disa mburoja në kantiere ndërtimi. Ndërkohë, një tjetër tornado goditi qytetin Suzhou, në provincën Jiangsu në Kinë duke i marrë jetën një personi e duke lënduar 21 të tjerë. Fenomenet e motit ekstrem, përfshirë tornadot, nuk janë të pazakontë në kinë. Në 2016, një tornado gjigand, një stuhi breshëri dhe shira të rrëmbyeshëm, i morën jetën të paktën 98 personave dhe lënduan 800 të tjerë. Stuhia vdekjeprurëse coi në ndërprerjen e energjisë elektrike, përmbysi makina dhe shkuli nga vendi cati shtëpish në provincën Jiangsu.