Ndërkohë që ultimatumit të Rusisë për dorëzimin e Mariupolit i përfundoi afati, zëdhënësi i qeverisë ruse Dmitry Peshkov zbuloi se Moska duket se i ka dërguar Ukrainës një draft-marrëveshje për paqe. Kremlini thotë se drafti përfshin kushte të qarta që duhet të përmbushen nga pala ukrainase, e cila sipas Peskov ka ndryshuar qëndrimet gjatë bisedimeve për paqe dhe se është tërhequr nga zotimet që ka bërë në fillim. Kjo, sipas Rusisë, ka pasur një ndikim negativ në procesin e negociatave.