Një nënë ukrainase ka treguar se djali i saj është pilot ushtarak rus dhe ka bombarduar vendin e saj para se avioni i tij të rrëzohej. Elena Golovenskaya, në lot, tregoi tmerrin e saj kur i biri, Majori Aleksey Golovensky, sulmonte ukrainën. Ajo tha se Golovensky u rrëzua në zonën e Mykolaivit më 5 mars. Pamjet e publikuara nga forcat ukrainase, tregojnë një pilot në një fushë, me duart lart në ajër, në kohën kur u kap nga forcat ukrainase ndërkohë që më pas u mor në pyetje. Në mesazhin video, Golovenskaya, flet për dhimbjen dhe turpin që ndjen për veprimet e të birit. Ajo po ashtu i kërkoi ndjesë popullit ukrainas për të birin. Ajo zbuloi se jeton aktualisht në qytetin Kremenchun, në rajonin qendror të Ukrainës, Poltava. Djali i saj është një pilot në regjimentin e aviacionit të marinës, që është dislokuar në qytetin Saky, në krimenë e okupuar nga Krimea. “Më 5 mars, pasi ndoqi urdhërat kriminalë të komandantëve rusë, ai fluturoi drejt Mykolaivit në avionin e tij luftarak Su-30SM. Atje u qëllua nga mbrojtja ajrore ukrainase dhe u kap rob – tregon ajo. “Ne pamë gjithcka në media”, vijoi ajo. “Isha e mbytur nga dhimbja dhe nga turpi për tim bir”, përfundoi ajo.