Kryeministri kinez, Li Keqiang, ka bërë thirrje për përmbajtje në konfliktin në Ukrainë për të shmangur një fatkeqësi humanitare. Ndërsa e quajti situatën "me të vërtetë shqetësuese", Li shmangu kritikat ndaj pushtimit rus në komentet e tij në një konferencë shtypi në Pekin të premten. "Ne sinqerisht shpresojmë se situata do të lehtësohet dhe paqja do të kthehet sa më parë," tha Li. Ai shtoi se është e rëndësishme tani të mbështesin Rusinë dhe Ukrainën në negociatat e tyre. "Ne mbështesim dhe inkurajojmë të gjitha përpjekjet që janë të favorshme për një zgjidhje paqësore të krizës," tha ai. Li bëri thirrje për përmbajtje, duke thënë se ishte e rëndësishme që tensionet të mos rriteshin apo edhe të dilnin jashtë kontrollit tani. Ai foli gjithashtu kundër sanksioneve ndërkombëtare kundër Rusisë. Ai tha se "sanksionet përkatëse do të dëmtojnë rimëkëmbjen ekonomike botërore dhe se nuk janë në interesin e askujt." Diplomatët dhe ekspertët kanë theksuar se Kina nuk është vërtet e gatshme të ndërmjetësojë midis Rusisë dhe Ukrainës. Zyrtarët kinezë e kanë bërë të qartë gjithashtu se Kina preferon të qëndrojë jashtë konfliktit. Kina është ndër vendet e pakëta të botës që nuk ka vendosur sanksione ndaj Rusisë pas fillimit të luftës. Sidoqoftë, Kina refuzoi një ditë më parë të furnizojë rusinë me pjesë avionësh, pasi sektori i saj i aviacionit është goditur nga sanksionet perëndimore. Pas kësaj, rusia tha se do të kërkonte mundësi për ti marrë këto pjesë nga vende të tjera, përfshirë Turqinë dhe Indinë.