Komiteti Shqiptar i Helsinkit ka paditur në Gjykatën Kushtetuese testin e poligrafit, i përdorur në përzgjedhjen e hetuesve të Byrosë Kombëtare dhe Vettingun në Polici. Në padinë e depozituar Komiteti Shqiptar i Helsinkit thotë se ky test ka shkelur privatësinë dhe të drejtat e njeriut ndaj kërkohet shquqizimi i tij nga Kushtetuesja. Gjykata Kushtetuese do të shqyrtojë padinë në fjalë të mërkurën. Testi i poligrafit, apo siç njihet ndryshe si makina e së vërtetës, ishte faza e parafundit e përzgjedhhes së agjentëve për FBI-në shqiptare, ose Byronë Kombëtare të Hetimit.Testi i poligrafit bëhet nga anëtarë të SHÇBA, kreu i SPAK-ut dhe anëtarët e komisionit. Përmes aparaturës ë posaçme ku realizohet testi i poligrafit, kandidatëve ju maten parametrat kryesore jetësorë, presioni i gjakut , frymëmarrja dhe rrahjet e zemrës në rast se ai po gënjen. Kandidatët që kaluan testin e poligrafit u pyetën në prani edhe të ekspertëve të huaj për çështje të lehta e mandej për korrupsionin, krimin, nëse kanë pasur apo jo njohje me persona të tillë apo nëse kane marre ndonjëherë ryshfet. Pas këtij momenti ata që u konfirmuan të pastër nga poligrafi kaluan në provën e fundit qe është kontrolli i pasurive. Nga testi në test numri prej 650 pretendentesh ra nen 60 aq sa duhet të ketë BKH.