Prej kohësh tashmë është dhënë alarmi se Gjermania po planet: E teksa nevojat e saj për ushtarë dhe infermierë janë përsëritur vazhdimisht, së fundi nënvizohet dhe një mungesë tjetër akute: Ajo për spiunë të rinj. Mediat gjermane shkruajnë se shërbimi Sekret vendas (BND) dhe ushtria gjermane, Bundesëehr, janë të pranishme me stenda rekrutimi në panairin ndërkombëtar të lojërave kompjuterike Gamescom që po zhviillohet në Këln. Zëdhënësja e BND-së, Julia Linner, sqaroi se në stendën e shërbimit sekret vizitorët mund të marrin pjesë në lojën kompjuterike "BND Legends — Operation Blackbox", ku lojtarët marrin identitetin e një agjenti të fshehtë për të penguar një sulm kibernetik. Loja, të cilën BND planifikon ta bëjë të disponueshme edhe në një platformë publike, teston aftësinë e lojtarëve në një numër situatash specifike dhe synon të tërheqë të rinj për t'u punësuar në agjencinë e shërbimit sekret ttë Gjermanisë. Linner, thotë se për shumë njerëz BND-ja është një e panjohur e madhe dhe ne duam të zbulojmë disa nga sekretet e punës sonë, në mënyrë që të tërheqim punonjës të rinj. Ajo vëren se mjaft të rinj që luajnë lojëra kompjuterike kanë aftësi që janë të favorshme për të shtuar efektivitetin e punës së agjencive të spiunazhit - si p.sh. aftësi digjitale, aftësi komunikimi, frymë bashkëpunimi në ekip dhe rezistencë ndaj stresit. Për arsye të ngjashme, pra rekrutimin e të rinjve dhe të rejave për ushtrinë gjermane, i pranishëm me një stendë në Gamescom është edhe Bundesëehri. Në stendën e Bundesëehr-it vizitorët mund të drejtojnë në simulatorë tanke ose të fluturojnë helikopterë, apo të bëjnë një stërvitje të vërtetë fizike të veshur me jelekë antiplumb pranë një posteri gjigant në të cilin shkruhet: "A je gati për nivelin tjetër?", e zëdhënësi i ushtrisë Marco Mann thekson se Bundesëehr-i, i cili ka qenë i pranishëm në Gamescom që nga viti 2009, dëshiron t'u tregojë të rinjve se sa tërheqës mund të jetë rekrutimi.