Ndërsa helikopterët hedhin ujë mbi kreshtat që digjen dhe tymin që ngrihet mbi malet e Spanjës veriore, banorët e zonave të prekura nga zjarret thonë se ndihen të braktisur nga politikanët që duhet t'i mbrojnë ata. Një flakë e madhe "përfshiu ato male, ato lugina të freskëta e të gjelbra dhe ata nuk e ndaluan?" tha për AFP 85-vjeçari Jose Fernandez. Ai po fliste nga një strehë emergjence në Benavente, ku u strehua pasi iku nga fshati i tij aty pranë, Vigo de Sanabria. Ndërsa vlerësoi kujdesin që mori në strehën e drejtuar nga Kryqi i Kuq, ai u dha autoriteteve një "zero" për menaxhimin e katastrofës. Zjarret që përfshinë Spanjën këtë muaj kanë vrarë katër persona dhe kanë shkatërruar mbi 350,000 hektarë gjatë dy javëve, sipas Sistemit Evropian të Informacionit për Zjarret në Pyje (EFFIS). Tre nga këto vdekje ishin në rajonin e Kastiljes dhe Leonit, ku ndodhet Vigo de Sanabria, si dhe një pjesë e madhe e tokës së djegur nga zjarret. Dhe siç ndodhi pas përmbytjeve vdekjeprurëse të vitit të kaluar në rajonin lindor të Valencias, zjarret kanë nxitur akuza se politikanët e keqmenaxhuan krizën. "Ata bënë një neglizhencë të madhe", tha 65-vjeçari Jose Puente, i detyruar të largohej po ashtu nga shtëpia e tij në fshatin San Ciprian de Sanabria. Autoritetet ishin "pak të pakujdesshme, pak arrogante" dhe nënvlerësuan shpejtësinë me të cilën mund të përhapej zjarri, shtoi ai. për rastet edhe prokurori mjedisor ka nisur hetimet ndërsa ka urdhëruar që të kontrollohen të ghitha bashkitë nëse kanë përmbushur detyrimin ligjor për miratimin e masave parandaluese të katastrofave apo jo.