Përshkallëzohen tensionet në Kore! Seuli tha se ka hapur zjarr në shenjë paralajmërimi ndaj ushtarëve koreanoverior të cilët kishin kaluar kufirin gjatë ksa jave, ndërsa Pheniani fajësoi palën tjetë për përshkallëzim të tensioneve. Edhe pse lideri i ri i Koresë së Jugut Lee Jae Myung ka kërkuar raporte më të mira mes dy shteteve, Kim Jon Un ka bërë me dije se nuk ka asnjë interes që të përmirësoj marrëdhëniet. disa ushtërë të Koresë së Veriut, sipas njoftimit të forcave të armatosura të Seluti, kaluan kufirin të martën teksa po punonin në zonën e demilitarizuar që është e mbushur me mina e ndan dy koretë. Ky inkursion nxiti “forcat tona të realizojnë të shtëna paralajmëruese”, tha Shtabi i Përgjithshëm i Seulit përmes një deklarate, duke shtuar se “ushtarët koreanoveriorë më pas u kthyen në veri” të kufirit de fakto. Mediat shtetërore të Phenianit thanë më herët të shtunën se incidenti ndodhi ndërsa ushtarët e Koresë së Veriut punonin për të siguruar kufirin që ndan gadishullin, duke cituar një deklaratë të Gjeneralit të Ushtarit Ko Jong Chol ndërsa e quajti incidentin të paramenduar dhe një provokim të qëllimshëm. Sipas Phenianit ushtria e Seulit hapi zjarr me mitraloz. “Nëse veprimi i kufizimit ose pengimit të projektit, i cili nuk ka karakter ushtarak, vazhdon, ushtria jonë do ta konsiderojë atë si provokim të qëllimshëm ushtarak dhe do të marrë masat e duhura të kundërpërgjigjes”, tha gjenerali i Koresë së Veriut.