Tre persona u arrestuan në Malësi të Madhe nën dyshimin se dhunuan fizikisht dhëndrin e tyre. Xheladin Çokaj bashkë me dy djemtë e tij Arnit dhe Sefred Cokaj u vendosën në pranga për shkak ushtruan dhunë psikologjike dhe fizike ndaj dhëndrit të tyre 41 vjecar, duke i shkaktuar dëmtime në pjesë të ndryshme të trupit dhe në kokë. Shkaku që shtyu tre autorët të dhunonin dhëndrin, ishin konfliktet e vazhdueshme që ky i fundit kishte me bashkëshorten e tij, njëherësh me vajzën e Xheladin Çokaj dhe motrën e Arnit dhe Sefred Cokaj. Shqetësimet e vazhdueshme të bashkëshortes së të dhunuarit tek familjarët e saj për debatet e herë pas hershme që ajo kishte me partnerin, shtynë të atin bashkë me dy vëllëzerëit që ti dhunon bashkëshortin. Ngjarja u regjistrua në fshatin Flakë, teksa policia ka referuar dosjen në prokurori për tre autorët për kryejen e veprës penale “Dhuna në familje”. I plagosuri nuk ka dëmtime të rënda dhe është jashtë rrezikut për jetën. Prokuroria e Shkodrës pritet të nisë hetimet lidhur me këtë ccështje, teksa tre të arrestuarit janë shoqëruar në ambientet e paraburgimit.