Një referendum antikushtetues që ndez tensionet akoma dhe më shumë në Bosnjë-Hercegovinë u miratua nga kuvendi popullor i Republikës Srpska. Nisma e votua rnga 50 deputetë, nga 65 qe ishin në sallë, parashikon që referendumi, në të cilin qytetarët e këtij etniteti do të duhet të shprehen mbi vendimin e gjykatës kundër Milorad Dodiuk dhe komisionit qëndror të zgjedhjeve që i hoqi mandatin të mbajet më 25 tetor të këtij viti. Pyetja e referendumit, e cila u lexua në seancë nga shefi i Grupit Parlamentar të SNSD-së, Sërxhan Mazalica, do të jetë: “A i pranoni vendimet e të huajit të pa zgjedhur Christian Schmidt [përfaqësues i lartë ndërkombëtar në Bosnje] dhe aktgjykimet e Gjykatës antikushtetuese të Bosnje e Hercegovinës të shqiptuara kundër presidentit të RS-së, si dhe vendimin e KQZ-së për heqjen e mandatit presidentit të RS-së, Millorad Dodik?”. Autoritetet e Republikës Srpska nuk e njohin përfaqësuesin e Lartë në Bosnje, Christian Schmidt, me pretendimin se emërimi i tij nuk është konfimruar nga Këshilli i Sigurimit i Kombeve të Bashkuara. Ndërkohë vendimi për referendumin nuk është në përputhje me Kushtetutën e Bosnjë e Hercegovinës, e cila nuk parashikon mundësinë që entitetet të shpallin në mënyrë të pavarur referendume mbi vendimet e institucioneve shtetërore. Dodik u dënua me një vit burg nga gjykata dhe atij iu ndalua të ushtrojë funksione publike për gjashtë vite. Që nga 18 gushti, Dodik zyrtarisht nuk është më president i RS-së, ndërsa KQZ e Bosnje është e detyruar që brenda 90 ditësh të shpallë zgjedhje të parakohshme për presidentin e entitetit serb në Bosnje e Hercegovinë.