Një makinë pa pilot Tesla, është përfshirë në një aksident që i ka marrë jetën dy personave që ndodheshin në të. Ajo kishte dështuar të merrte një kthesë dhe kishte dalë nga rruga duke u përplasur me një pemë. Autoritetet në shba, thonë se ky është më i fundit në një seri aksidentesh në të cilët janë përfshirë makina tesla të pajisura me sistemin gjysmë automatik të drejtimit. Dy persona kanë humbur jetën pasi një mjet Tesla, që besohet se po vepronte pa askënd në sediljen e shoferit, u përplas me një pemë në veri të Hjustonit. “Askush nuk ishte në timon”, thanë zyrtarët e policisë pas aksidentit. Modeli S i Teslas, i 2019, po udhëtonte me shpejtësi kur nuk mundi të përballonte një kthesë dhe doli nga rruga duke u përplasur me një pemë dhe duke shpërthyer në flakë. Pasi zjarri u shua, autoritetet lokalizuan dy pasagjerët, njëri në sediljen e parë ndërsa tjetri prapa. Tesla dhe administrata kombëtare e sigurisë në trafik nuk u përgjigj menjëherë ndaj një kërkese për komente. Aksidenti erdhi në mesin e debateve të ndezura tashmë për sistemin gjysmë automatik të ngarjes së Teslas, për shkak të disa aksidenteve, dhe ndërsa kompania përgatitet të lancojë një softëare të update-uar të vetë drejtimit të makinës për klientët. Sic ka deklaruar agjencia e sigurisë së makinave në shba, në mars, ajo ka hapur 27 hetime për aksidente me makinat tesla. Të paktën tre prej këtyre aksidenteve kanë ndodhur së fundmi. Drejtuesi i Teslas, Elon Musk, tha në janar se ai pret fitime të mëdha nga softëare-i i ri i vetë drejtimit të makinës dhe se ka besim se makina do të jetgë në gjendje të ecë vetë në mënyrë të sigurt këtë vit