Prej më shumë se një jave kryefjala e ditës dhe debateve publike në vend janë pubilikimi i të dhënave personale, pjesë e një databaze të krijuar nga strukturat e Partisë Socialiste. Shumë prej qytetarëve përveçse ndihen të pambrojtur tashmë që të dhënat e tyre gjenden në një database që kushdo mund të hyjë dhe të kërkojë të dhëna që deri më dje ishin konfidenciale. Por a mbrohen të dhëna dhënat personale dhe çfarë mase merret në rastet e një rrjedhje kaq të madhe informacioni sensitive dhe konfidencial për 910 mijë qytetarë? Në vendin tonë prej vitesh ekziston institucioni i komisionerit për të drejtën e informimit dhe mbrojtjen e të dhënave personale që prej vitit 2014 drejtohet nga z. Besnik Dervishi. Sipas kompetencave që përcakton ligji komsioneri shqyrton kërkesat e qytetarëve të cilat pretendojnë se u janë shkelur të drejtat, shqyrton ankesat e tyre në lidhje me programet e transparencës, kryen hetime administrative, ka akses në informacion të klasifikuara sekret shtetëror, vendos sanksione administrative sipas përcaktimeve ligjore monitoron zbatimin e ligjit për të drejhtën e informimit etj. Por a ka pasur reagim pas rastit në fjalë nga ana e Komisionerit Shtetëror dhe a ka pasur ankesa konkrete të depozituara nga qytetarët që iu publikuan të dhënat. Zyrtarisht është thënë që nuk ka pasur asnjë ankesë të paktën deri dje. A do të ndërmarrë një hetim komsioneri Shteteror për këtë çështje dhe si do të vihet në lëvizje? Kjo mbetet për t’u parë. Alarmin për mosrespektimin e të dhënave personale komisioneri shtetëror e ka dhënë edhe në raportin vjetor ku është vënë theksi se 82 institucione nuk respektojnë të dhënat personale dhe është kërkuar marrja e masave urgjente nga ana e tyre