Top News- Tanket, frigoriferë hekuri 40 tonësh…/Trupat ruse të bllokuara në temperaturën -20 gradë

Trupat ruse të bllokuara në autokolonën 65 km të gjatë të tankeve dhe mjeteve të tjera të blinduara, në periferitë e Kievit, mund të përballen me ngrirjen deri në vdekje në mjetet e tyre këtë javë ndërsa temperaturat pritet të bien shumë. Një valë e ashpër të ftohti në evropën lindore do të shohë që temperaturat të bien në -10 gradë celcius gjatë natës përreth Kievit dhe Kharkivit, e madje edhe deri në -20 fradë celcius kur edhe era e fortë të luajë rolin e saj. Kushtet e acarta pritet ta bëjnë më të vështirë situatën për pushtuesit që kanë mbetur të bllokuar prej ditësh, rreth 30 km larg Kievit për shkak të problemeve mekanike, problemeve me furnizimin me karburant dhe rezistencës së ashpër ukrainase.