NATO po nxiton të rrisë mbrojtjen në kufijtë e saj lindorë, me një forcë prej 300 mijë trupash të njoftuar në madrid. Aleanca është detyruar të përveshë mëngët pas rizgjimit të dhunshëm të ‘ariut të fjetur rus”, me pushtimin e ukrainës, cka ka ndezur frikën se ish vendet sovjetike, estonia, lituania dhe letonia, mund të jenë në radhë, në listën e zezë të Putinit. Tashmë NATO ka rënë dakord se do të ketë një forcë prej 300 mijë trupash që mund të mobilizohen përballë rusisë brenda 30 ditësh, por detajet se trupat e cilëve vende do të kontribuojnë atje nuk janë saktësuar ende. Deri sa negociatat mes vendeve evropiane që i druhen luftës për armatën e re, të japin fryte, cka parashikohet të ndodhë ndoshta vitin e ardhshëm, do të jetë detyrë e vetëm 30 mijë trupave, pjesa më e madhe e të cilëve amerikanë, të mbrojnë kufirin lindor që zgjatet nga Baltiku deri në Detin e Zi. E kjo sjell edhe pyetjen: A do të munden ato ta mbrojnë evropën? Duke u ndalur vetëm tek numrat, rusia është forca më e madhe. Gjatë stërvitjeve Zapad, që u konsideruan gjerësisht si një provë gjenerale e pushtimit rus të evropës, putin pretendoi se kishte mbledhur deri në 200 mijë ushtarë, bashkë me qindra tanke dhe mjete të blinduara dhe dhjetëra avionë dhe helikopterë. Por, luftimet në ukrainë, kanë vënë në pikëpyetje efikasitetin e rusisë në betejë, duke nxjerrë në pah taktika të gabuara, armatime të vjetëruara dhe trupa të demoralizuara.