Kryeministri britanik, Boris Johnson, tha pak ditë më parë se britania e madhe mund të dërgonte disa nga tanket e saj Challenger 2 në Poloni, dhe në këmbim, ky vend të dërgonte tanket e veta të erës sovjetike në Ukrainë. “Unë nuk mendoj se kjo është një ide e cmendur”, thotë gjenerali Chrus Deverell, ish komandant i komandës së bashkuar të forcave ushtarake britanike. Ai tha për BBC se Britania e madhe ka një surplus tankesh dhe se teorikisht, mund të dhurojë deri në 79 prej tyre pa prekur aspak kapacitetet operacionale të veta. Por ai paralajmëroi se Polonisë do ti duheshin disa muaj deri sa të mund të viheshin nën kontroll të plotë të Challenger 2 dhe se deri atëherë, ajo nuk do të ishte e gatshme të hiqte dorë nga tanket e saj T72 të erës sovjetike. Korrespondenti i BBC për cështjet e sigurisë, Frank Gardner, thotë ndërkohë se dërgimi i tankeve do të ishte një lëvizje shumë domethënëse, pasi deri këto kohë të fundit, vendet e NATO-s kanë qenë shumë refuzuese për të dërguar armë të rënda në ukrainë, për shkak të frikës se mos zemërojnë akoma më shumë presidentin rus, Vladimir Putin.