Tanket britanike janë fotografuar në stërvitje ushtarake përkrah aleatëve të tjerë të NATO-s ndërsa Britania paralajmëroi se do të mbështeste finlandën dhe suedinë nëse do të sulmoheshin nga trupat e Putinit. Tanket Challenger 2 dhe trupat britanike iu bashkuan trupave finlandeze, amerikane, letoneze dhe estoneze ndërsa aleanca ushtarake i tregoi muskujt si reagim nga agresionit rus në Ukrainë. Stërvitja e quajtur Exercise Arroë, do të shohë trupat e natos të punojnë bashkë me ato të finlandës për të përmirësuar reagimin e shpejtë si edhe angazhimin e njësive të mekanizuara tokësore në ambjente të ndryshme. Finlanda, bashkë me Suedinë fqinje, kanë bërë të ditur se shumë shpejt do të vendosin nëse do të bashkohen apo jo me aleancën e atlantikut verior, duke vënë kështu në diskutim neutralitetin e hershëm të tyre. Afrimi i këtyre dy vendeve me NATO-n duket se është bërë shumë i afërt pas agresionit rus në Ukrainë, me Finlandën dhe Suedinë që shohin garanci të mëdha sigurie në gjirin e aleancës. Ndërkohë, rusia i ka kërcënuar të dyja vendet me pasoja ushtarake në rast të anëtarësimit në aleancën perëndimore.