Politikat e emigracionit të Angela Merkel janë 'fatale' dhe Gjermania është 'në rënie politike dhe ekonomike', ka paralajmëruar ish-kreu i agjencisë së spiunimit të vendit. Hans-Georg Maassen, i cili drejtoi Zyrën për Mbrojtjen e Kushtetutës deri në 2018, ka kritikuar ashpër kontrollet kufitare të Kancelares, gjatë dhënies së një interviste. 58-vjeçari shpërtheu ndaj vendimit të zonjës Merkel për të lejuar rreth 1.2 milion migrantë në 2015, ndërsa ai drejtonte Zyrën. Ai pretendoi se gjermanët 'nuk mund të kuptojnë pse gjithnjë e më shumë njerëz po vijnë në këtë vend edhe pse ata padyshim nuk kanë të drejtë për azil'. Komentet e tij vijnë vetëm një javë pasi një emigrant somalez - i cili hyri në vend si refugjat në 2015- goditi tre persona për vdekje. Maassen, i cili po kandidon si deputet për CDU në Thuringji, i tha Times se 'CDU ka shkaktuar shumë dëmtime gjatë 20 viteve të fundit”. 'Është bërë një klub për zgjedhjen e kancelarit nën parullën “Ne duam që Merkel të rizgjidhet”, por substanca aktuale politike dhe programatike është zhdukur", ka pohuar zyrtari. Ai pranoi që zonja Merkel ishte një 'grua me vullnet të fortë dhe një interpretuese kryesore politike' dhe vlerësoi rolin e saj në krizën e borxhit në zonën e euros. 'Thjesht mendoj se është turp që po biem shumë poshtë potencialit tonë në Gjermani. Unë kam përshtypjen se shumë njerëz kanë bërë paqen e tyre me faktin se ne jemi duke rënë edhe më tej politikisht dhe ekonomikisht", tha më tej në deklaratat e tij Hans Georg Massen