Ankaraja ka parë një qëndrim pozitiv drejt heqjes së një embargoje të eksportit të armëve gjatë bisedimeve me aplikantët në Nato, Finlandën dhe Suedinë – tha zëdhënësi i presidentit turk Recep Tayip Erdogan. “Kemi parë një qëndrim pozitiv drejt heqjes së embargos për sa i takon produkteve të industrisë së mbrojtjes, gjatë këtij takimi dhe ky është një zhvillim pozitiv”, tha Ibrahim Kalin. Suedia dhe finlanda kanë ndaluar ekspertet e armëve për në Turqi pas ndërhyrjes së kësaj të fundit në Siri, kundër milicive siriano-kurde YPG. Ankaraja e konsideron grupin njësoj si PKK, pra grup terrorist. Në një konferencë për shtyp pas bisedimeve, zëdhënësi i Erdoganit tha edhe se shqetësimet e turqisë për terrorizmin dhe pritshmëritë për hapat konkretë, do të adresohen në bisedimet në vijim. Finlanda dhe suedia aplikuan për tu anëtarësuar në NATO javën e shkuar por Turqia habiti aleatët duke kundërshtuar pranimin e tyre me pretekstin se të dy vendet mbajnë njerëz të lidhur me partinë e punëtorëve të kurdistanit, PKK, dhe ndjekës të Fetullah Gylen, që ankaraja e akuzon për orkestrimin e një grushti shteti në 2016-ën. Të 30 vendet anëtare të NATO-s duhet të japin miratimin para pranimit të një anëtari të ri.