Top News – Suedi, rikthehet frika nga Rusia / Ishulli i Gotlandit, kështjella e parë përballë Moskës

“Nuk mund të jesh asnjëherë i sigurt”; ashtu si shumë të tjerë në ishullin suedez të Gotlandit, Emelie Cedeskog, ka mbledhur ushqime rezervë dhe ka kontrolluar se ku është bunkeri më i afërt. Në një vend që prej kohësh është shënjuar nga ‘Frika nga rusia’, shumëkush në ishullin me 60 mijë banorë, është i shqetësuar nga tensionet e rindezura mes perëndimit dhe Moskës. “Jemi pak të shqetësuar. Nuk mund ta dijmë me siguri se cfarë do të ndodhë”, thotë mësuesja 35 vjecare për agjencinë franceze të lajmeve AFP. Një javë pas pushtimit të ukrainës, katër avionë ushtarakë rusë shkelën hapësirën ajrore suedeze të mërkurën, mbi detin baltik, në lindje të ishullit që ka një pozicion strategjik. Autoritetet lokale reaguan duke bërë apel për qetësi. “Morëm shumë telefonata, njerëzit ishin të shqetësuar, pyesnin vecanërisht ku janë strehimet apo bunkerët në rast se ndodh dicka e keqe”, tha shefi i emergjencave në autoritetet lokale. Për shumë suedezë, Gotlandi përfaqëson një destinacion popullor pushimesh me plazhet e tij të vogla dhe qytezën mesjetare, piktoreske të Visby-t. Turmat e turistëve i drejtohen në masë ishullit gjatë verës. Por, ai ëhstë më pak se 350 km larg enklavës ruse të Kaliningradit. Analistët ushtarakë e konsiderojnë Gotlandin, një luftanije të pathyeshme që mund të shërbejë si bazë e rëndësishme në kontrollin e trafikut ajror dhe detar në dhe mbi baltik. Në kuadër të carmatimit, pas luftës së ftohtë, Suedia vendosi të cmontojë njësitë ushtarake të vendosura në ishull. Por, në 2015-ën, pasi rusia aneksoi krimenë, ishulli u militarizua sërish. Në janar të këtij viti, ndërsa tensionet mes rusisë dhe perëndimit mbi ukrainën, u përshkallëzuan, mjetet e blinduara dhe trupat u panë të patrullonin në ishull sërish. Dhe tani, zyrtarët thonë se po përballen edhe me një mori kërkesash për pranim në shërbimin ushtarak. “Unë mendoj se njerëzit duan ta mbrojnë këtë ishull që është jashtëzakonisht i rëndësishëm për të ardhmen”, thonë zyrtarët. Ndryshe nga fqinjët në detin Baltik, Suedia nuk është anëtare e NATO-s, edhe pse ka qenë partnere e saj prej 30 vitesh. Tani, vetë suedezët mendojnë se do të ishte mirë që në vend të kishte një bazë ajrore të aleancës e pse jo, shohin edhe një anëtarësim të mundshëm në horizont.