Fushata e Presidentit Biden për një mandat të dytë në Shtëpinë e Bardhë po përballet me pengesa të reja ndërsa ish kryetarja e Dhomës së Përfaqësuesve, ligjvënësja demokrate Nancy Pelosi tha se “i takon presidentit të vendosë” nëse duhet të qëndrojë në garë. “Dua që ai të bëjë atë që vendos vetë”, tha Pelosi në një emisionin televiziv në MSNBC. Ajo nuk tha se Biden duhet të qëndrojë në garë. Ndërsa Presidenti Biden ka thënë në mënyrë të përsëritur se ai ka marrë vendimin e tij, tha ajo, “Ne të gjithë po e inkurajojmë atë që ta marrë atë vendim, sepse afati po mbaron”. Aktori me famë botërore dhe donator i rëndësishëm i fushatës së demokratit Biden, George Clooney tha se presidenti nuk duhet të garojë. Senatorë dhe kongresmenë demokratë thanë se druheshin lidhur me aftësitë e demokratit Biden për të mundur republikanin Donald Trump. Stuhia deklaratave të ashpra, pavarësisht këmbënguljes së fortë të Presidentit Biden se nuk do të tërhiqet nga gara, nxjerr në pah dallimet e thella për këtë çështje mes udhëheqjes demokrate. Ligjvënësi Pat Ryan i Nju Jorkut është bërë demokrati i tetë në Kongresin amerikan që i kërkoi publikisht Presidentit Biden që të tërhiqet nga gara.