Kryeministri britanik, Keir Starmer do të japë dorëheqjen të hënën dhe të sigurojë një tranzicion të paqtë mes laburistëve në pushtet. Mediat britanike shkruajnë se Starmer është bindur se nuk gëzon më mbështetjen e shumicës brenda partisë së tij dhe në bisedat e fundit që ka pasur me aleatët dhe ministrat u ka komunikuar vendimin e marrë për t’u tërhequr. Duke cituar burime nga radhët e laburistëve, Sunday Times shkruan se Kryeministri britanik është bindur se këmbëngulja për të qëndruar në detyrë nuk përputhet me mbështetjen që gëzon brenda partisë, mbështetje e tronditur nga Andy Burnham, emri më i lakuar për ta pasur në detyrë. "Ai e ka pranuar realitetin se nuk gëzon më mbështetje dhe se të gjithë e dinë që vijimi i detyrës është i pamundur”.