Spanja konfirmoi këtë javë se po shqyrton furnizimin e ushtrisë ukrainase me dhjetëra tanke kryesore luftarake Leopard 2. Kjo lëvizje do ta bënte Spanjën vendin e parë të NATO-s që i siguron Kievit automjete moderne ushtarake të gjeneratës së tretë dhe mund të ndikojë shumë fitoren e luftës kundër Rusisë në Donbas. Por, për këtë vendim, duhet një konfimim nga Berlini. Ky lajm e ka vënë në një situatë të vështirë Gjermaninë, pasi ligjvënësit e saj e japin fjalën e fundit nëse super tanket e prodhuara nga Gjermania duhet të dërgohen në Ukrainë ose jo. Gazeta e përditshme El Pais në fundjavë zbuloi se qeveria po konsideronte dërgimin e rreth 40 tankeve Leopard 2A4 në Ukrainë. Sipas gazetës, e cila citon burime qeveritare, kryeministri spanjoll Pedro Sanchez ia kishte bërë ofertën presidentit të Ukrainës Volodomyr Zelensky tashmë gjatë një vizite në Kiev më 21 prill, por tha se planet më pas ishin pezulluar përkohësisht për shkak të kompleksitetit të operacionit. Por media gjermane Der Spiegel, duke cituar burimet brenda qeverisë thotë se Berlini ka paralajmëruar Spanjën që ky hap do të ishte shmangie nga vendimi informal i Perëndimit për të mos furnizuar Kievin me tanke perëndimore. Sipas gazetës, qeveria gjermane jo vetëm nuk do të miratojë dërgimin e tankeve perëndimore mes frikës se do të conte në një konflikt të drejtëpërdrejtë me Rusinë. Pamjet: AFP