Greqia është kthyer në një nga vendet më të prekura në Europë nga vala e katërt e pandemisë. Autoritetet shëndetësore kanë njoftuar setë hënën janë regjistruar rreth 5 mijë raste të reja me Covid dhe një record viktimash që ia kalon shifrave të shënuara në Itali. Në 24 orët e fundit në Greqi kanë humbur jetëmn 116 persona, duke shënuar kështu numrin më të lartë të të vdekurve gjatë kësaj vale. Shifra më e lartë është raportuar në mars me 134 viktima. Kjo shifer është më e lartë se në Itali, ku 24 orët e fundit në Itali janë konfirmuar 92 viktima. Sa i përket situatës në spitale, sipas raportimeve në njësitë e kujdesit intensiv janë duke marrë kujdes shëndetësor 743 pacientë.