Një aksident i rëndë rrugor është regjistruar në Ukrainë, me 27 persona që kanë humbur jetën. Për autoritetet e vendit bëhet fjalë për tragjedinë më të rëndë në rrugët ukrainase në dekadën e fundit. Ministri i jashtëm i vendit ka deklaruar se të paktën 27 persona humbën jetën pasi një autobus u përplas me një kamion të mbushur me karburant dhe një autoveturë tjetër në rajonin perëndimor të Rivnes. Aksidenti ka ndodhur në autostradën mes Kievit dhe Chopit. Nga 38 pasagjerët që gjendeshin në autobus, kanë mundur të mbijetojnë vetëm 12. Edhe drejtuesi i kamionit ka mbijetuar por është në gjendje kritike. Viktima e 27 ndërkohë është drejtuesi i autoveturës të përfshirë në aksident që sipas informacioneve të para ka qenë edhe shkaktar i incidentit fatal.