Presidenti turk Erdogan u bind pas shumë bisedimesh dhe negociatash të hiqte veton ndaj anëtarësimit të Finlandës dhe Suedisë për hyrjen në NATO. Edhe pse vendimi u interpretua si një fitore për aleancën, presidenti turk duket se ka arritur po ashtu fitoren që po kërkonte. Ministri turk i Drejtësisë tha se Turqia do t’i rinisë Suedisë dhe Finlandës kërkesat për ekstradim të individëve që i konsideron terroristë pasi tri vendet arritën një marrëveshje që i hap rrugën vendeve nordike për t’u anëtarësuar në NATO. Ankaraja tha se së shpejti do të dërgohen kërkesat zyrtare për ekstradim të 33 anëtarëve të Partisë Kurde PKK dhe anëtarëve të tjerë të rrjetit “FETO”, të konsideruar përgjegjës për tentativën për grusht shteti të vitit 2016-të.