Top News – Shuhet ikona e spektaklit italian/ Raffaella Carra ndahet nga jeta në moshën 78 vjeçare

Është shuar në moshën 78 vjeçare artistja e njohur italiane Raffaella Carrà, emri i vërtëtë i së cilës ishte Raffella Maria Roberta Pelloni. “Raffaella na la. Iku në një botë më të mirë, ku humanizmi i saj, e qeshura e saj dhe talenti i saj i jashtëzakonshëm do të shkëlqejnë përgjithmonë’. Me këto fjalë Sergio Japino ka dhënë lajmin e trishtë duke ju bashkuar kështu dhimbjes së nipave të dashur Federica dhe Matteo, Barbara, Paola dhe Claudia Boncompagni, të miqve të saj të përjetshëm dhe bashkëpunëtorëve më të dashur. Artistja e madhe vdiq të hënën më 5 korrik, në orën 16.20, pas një sëmundjeje që kishte sulmuar prej kohësh trupin e saj aq të vogël, por aq të tejmbushur me energji. Forca e saj e pandalshme, e cila e imponoi atë në krye të botës së spektaklit, dhe vullneti i hekurt që nuk e braktisi kurrë deri në fund, bënë që në daljet e fundit publike, ajo të mos linte të dukej asgjë nga vuajtjet e saj të thella. Raffaella Carrà ishte autore e dhjetëra këngëve të njohura, ka luajtur në disa filma si dhe ka drejtuar një sërë emisionesh të njohura si “Carramba, che sorpresa”, “Domenica in”, “Ma che sera”, “40 minuti con Raffaella”. Raffaella Cara ka prezantuar gjithashtu festivalin e famshëm të muzikës italiane “Sanremo”, si dhe ka marrë pjesë në Eurovision.