Mafia shqiptare duket se ka ndjekur modelin e mafies njujorkeze duke nënshkruar një pakt miqesie me familje dhe klane të tjera mafioze. Sipas një artikulli të publikuar në mediat italiane, që citon Vincenzo Musacchion, jurist dhe bashkëpunëtor në Institutin Rutgers për Studimet Anti-Korrupsion klanet nigeriane, shqiptare, puljeze dhe eksponentët e ‘Ndrangheta’ dyshohet se kanë “nënshkruar” një “pakt jo-sulmimi” (mirekuptimi) për shpërndarjen e drogës në Ferrara. Për ekspertin, pakti është nënshkruar për siguruar tonelata droge nga Evropa Lindore dhe Shqipëria që më pas do të kalojnë nëpër brigjet e Puljas për t’u shpërndarë në tregjet italiane. Musacchio thotë se kjo është pjesë e një strategjie të lidhur me metamorfozën e fundit të mafias, të cilat sot janë gjithnjë e më të orientuara nga tregu.