Në këto 30 vite demokraci Shqipëria është përballur me lëvizje të shtetasve shqiptarë jashtë vendit, një fenomen ky me të cilin përballen vendet postkomuniste. Emigrimi i lartë i shtetasve shqiptarë ka rezultuar edhe në përfshirjen e tyre në skema kriminale, kjo për shkaqe jo vetëm ekonomike por edhe për faktin se mungesa e dokumentacionit ka ulur mundësitë e punësimit formal për shqiptarët. Janë të shumtë ata të cilët si rezultat i veprimtarisë të tyre në banda kriminale janë shpallur në kërkim ndërkombëtar. Prokuroria e Përgjithshme ka publikuar raportin vjetor mbi ngarkesën e punës për vitin 2020, e cila pasqyron qartësisht veprimet që janë ndërmarrë për të evidentuar dhe goditur shqiptarët në kërkim ndërkombëtar. Në harkun kohor të një viti janë 150 raste të reja të përfshirjes së shqiptarëve në hartën e kërkimit të Interpol-it. Ndërkohë 201 shtetas janë hequr nga skema e kërkimit ndërkombëtar pas kapjes dhe arrestimit. Shqiptarët e kapur pasi arrestohen jashtë vendit ekstradohen drejt shqipërisë për të vujtur dënimin e caktuar. Janë në total 119 praktika për ekstraim nga jashtë drejt Shqipërisë nga të cilat janë përfunduar vetëm 50.