Top News – Shpërthen sërish covidi në Kinë / Miliona banorë testohen në Pekin, identifikohet vatra

Autoritetet në kryeqytetin kinez, Pekin kanë rritur të hënën përpjekjet për të penguar përhapjen e koronavirusit, pas identifikimit të një shpërthimi të ri në një bar të njohur për pije të lira alkoolike dhe turma të mëdha. Shpërthimi i ri, i së paku 200 rasteve që lidhen me këtë bar – i cili është rihapur javën e kaluar pas kufizimeve për pandeminë – tregon sa e vështirë do të jetë për Kinën të zbatojë politikën e “zero-rasteve me COVID”, teksa pjesa më e madhe e botës është duke tentuar të mësohet që të jetojë me virusin. Çaojang, rajoni më i madh i Pekinit – ku gjendet bari - ka nisur të hënën testimin masiv të 3.5 milionë banorëve.